بیر آنـانین اوغلــویــوق
ائکیزـ تای دوغولموشوق
بیلمیره م کیم قارغییب!
سئللرده بوغولموشوق
یـادا بیـر جوت لاله ییک
داغ دوشونده بیتمیشیک
تیکـانـلاریـن ایچینــده
گوز اونوندن ایتمیشیک
یوخسا بیر جوت بالیغیق
ناققالار اودموش بیزی
طـوفـانـلاردا دنیــزدن
آدایــا آتمیـش بیــزی
ایکی آغ گویـرچینیک
یوردوموزدان اولموشوق
بوشالـدیقجـا یووامیـز
بولود کیمی دولموشوق
اووچولار سوراغلایـان
بیر جوت اووا بنزیریک
باغریمیـــز یاریلماغــا
هر لحظه مونتظیریک
بو نه طالئع دیر بو گون
قارشیمیزا چیخیبــدیـر
اوز ائویمیــزده یامــان!
بیر دار کونجه سیخیبدیر
یوخسا آلیـن یـازیمیـز
داشــلارا یـازیلیبدیــر
دونیایا گلمه میشدن
قبریمیــز قازیلیبدیــر!
بیزده بئله سویلوروک:
قازیلسـا دا قبریمیــز
بـو یـارامـاز عصــرده
توکنسه ده صبریمیز
بیزی قوشا قویلارسیز
تورپاق رنـگی کفنلــه
دوندررسیـز بیـر آنــدا
ویـداعلاشـاق وطنلــه!
شعیر:علیایی کلیان(یاشیل)
