آلقیش

تورکجه ادبی،کولتوره ل و توپلومسال وب صحیفه سی

 

بیر پاییــز گئجـه سی ایتیرسـم ای یـــار!

یوخــومــــا دولانیب،گلــــرســـن اونــــدا  

"یوکونو چئینییمــده" گوتورســم ای یـــار!

دیز چوکوب اونومده گولـه رسـن اونـــدا!

 

اودلــو هیجرانینــدان؛باغلانســـا دیلیــم

دیـزلریــم قاتلانســا،بوکولســـه بئلیـــم

بولــودلار چکیلســه،یانســا دا چولـــوم!

ـ اوستومه یاغیشین چیله رسن اونـــدا!!

 

اوجــادا اوچــارســان،آغ گویرچیــن تـک

یولـــلارا یایـارســـان دویغـــو بیــر اتـک!

سئوگیلیم سینه ده بیر یورغون اوره ک!

ـ گیزلی جه قوناغیـم اولارسـان،اونـــدا! 

           

نئیله ییم دا سنسیز دوزه بیلمه ســم

تیکانلی چوللـــرده گــزه بیلمــه ســـم 

ایلگی می سن ایله اوزه بیلمه ســم!

ـ سن آللاه!کونلومــو آلارســان،اونــدا!

 

 کوورک اوره ییمی،چولقاسـا دا غـــم

ایز - توزون یادیمـا دوشسه ده هردم!

(یاشیل) یارپاغیمی چورتســه ماتــم!

گورسـن احوالیمی،ملـه رسن اونــدا!!   

 

                                شئعر:عسگر علیائی کلیان (یاشیل)

--------------------

- بو شئعرین اساسیندا گورکملی "آیشن" خانیم "آلقیش" دوشرگه سینین قوناقلارینا باشقا شاعیرلریمیزدن ایکی عونوان دیرلی شئعر گوندرمیش لر.هر ایکی شئعری آشاغیدا گتیریرم.دونه ـ دونه بو محبتلی اینساندان و آیری قوناقلاریمیز اوزللیکله دوقتور "توتقون" حضرتلریندن مینتدارلیغیمی بیلدیریرم.

                      **************

سئوگیليم بيليرم سن چيچک کيمی

باهار. اولفت. سئوينج. ايشيق سئويرسن.

صداقتله دولو بير اورک کيمی

منی اوزوندن ده آرتيق سئويرسن.

-----------------------------------

*********************

گوندوزلر سن دونسن جوشغون بولاغا

چاغلايان دويغوندا منم. سئوگيليم!

گئجه لر سن گيرسن راحات ياتاغا

ناراحات يوخوندا منم. سئوگيليم!


کيم اوز سئوديگينی قايغی لی گوزله

اوزوندن ده آرتيق سئومه سه اگر

سينه سی دولاندا دئ هانسی سوزله

سئوگی دن دانيشار. سئوگی دن دئير. . .

 

**********************

سالاملار سیزین ایچین گوزل شعریزدن فایدالاندم.

              ***
چكير وارليغيمي دارا گؤزلرین
آپارير روحومو هارا گؤزلرین
قارا بير محبس دير قارا گؤزلرین
بوراخ گؤزلرينين حبسيندن منی
...
یاندیریب ياخماقدا اؤد قودرتي وار،
تکجه من بيليرم نه حيددتي وار،
، آخی جزانين دا بير مدتي وار،
 بوراخ گؤزلرينين حبسيندن مني.
...
قالديم جاذيبه نده بيهوش کیمی یم
مرحمت گؤزله ين باخيش کیمی یم
قفسه سالينميش بير قوش کیمی یم
بوراخ گؤزلرينين حبسيندن منی
...
گونوم ائله سندن شيكايت اؤلوب،
بو سئوگی بير داستان ،حئكايت اؤلوب
محبت نه واخت دان جينايت اؤلوب
بوراخ گؤزلرينين حبسيندن منی
...
زيندانا كؤنوللو سالديم اؤزومی
عيبي يوخ، پاييزا دؤندر یازیمی
من گوناه ايشله ديم آرتیر جزامی
ساخلا گوزلرينين حبسینده منی

نوشته شده در چهارشنبه شانزدهم اسفند 1391ساعت 8:8 توسط یاشیل| |

Design By : nightSelect.com