گاز ائولره ایستی باغیشلاسادا،هله ده من شاختا بیر هاوادا نئفت ایله یانان پونجون
قارشی سیندا اوتورموشام،اوفوقلرده ایتیب ـ باتان و گونشین آرخاسیندا گیزله ین
میللتیمین طالئعینی گوز ببک لریمله ایزله ییرم.
گودمی ائله بیل چالغی چوبوغو ایله چالیرلار،نییه کی یازیق میللتیمین سویوق دیمه
ـسینی گرکدیر کی گودمده داشییام.
شانلی یوردومون قیزیل تورپاغی ایله طهارت غوسلو قیلام.
گویلره یوکسلن ترلان قوشونون قانادلاریندا سئیر ائدن حسرت ادبییاتینی و اولکه مه
حصر ائتدیگیم سوزجوکلریمی "داغلیق قاراباغ" ـ دا اوردان ـ بوردان بیتن نانا پیتالارینا
سووغات گونده رم.
شهرلرده ،کندلرده بیر میلیون ایکی یوز مین دن آرتیق شهید اولان و یوردوندان
تالانان موسلمان تورک باجی ـ قارداشلاریمین درین نیفرتینی "داغلیق قاراباغ"
جاللادی و"بویوک ائرمنیستان" قورماق خولیاسی ایله یاشایان قورو تعصوبله دولو
"رابرت کوچرییان" ایله "داشناک" ـ لارین سارایلارینا سپه له یرکن،اونلاری ییرتیجی
حئیوانلار دک یئرین ییرتیق لارینا تپم.
واحید بیر میللتیمله اللریمی کور ناسیونالیزم و آشیری میللتچیلیک ایدیعاسی ایله
یاشایان و دونیانی تای گوزلریله آلچی ـ تووخان گورن کوت بئیین شوونیزمین گوز ـ
ببک لرینه چیرپایاراق،اونلارین دایاز کوکلرینی کوکوندن ابدی لیک گویه سووورام.
ها بئله اونلارین "ییرتیق پالان" ـ ا بنزیه ن ظاهیرده کی بزک لرینی دونیادا اوزگور
یاشایان عدالت سئور اینسانلارا درین دن آچیقلایام.
گئجه ـ گوندوز ایگیرمی دورد ساعات هورن بوز کوپک لری بوز قوردوملا بوغوشدورام.
بوز قوردومون میندار کوپک لره اوستون گلمه سینی،دده قورقودومون قوپوزوندا
هارایلایام.
"کاشغریمین" اورکلرده یاشایان و سمالاردا گزن اولو تورک سولطانی "ماحمود
ـ کاشغر"ـ لی نین حسرت له دولو سئوینجی نی"اویغور ،اوزبک،جیغاتای،تورکمن،
اوغوز،تاتار،باشقورد،قاراقالپاق،قازاق،قیرقیز،کرکوک،قاشقای،خلج و کاباردین ـبالکار"
تورکلرینه موشتولوق گونده رم.
اورال ـآلتایی بیرلیک مشعلینی اللریمده گویلره قالدیراراق ،"داغیستان"ـ دا ایللر بویو
باشی اوجالیقلا یاشایان و موسلمان تورکچولوک یولوندا چالیشان "ایمام شامیل"ـ
یمین دالیسیندا "لله اکبر" دئیه رک نامازا دایانام.
"چئچئن" ـ ده آزادلیق اوغروندا شهید اولان "جوهر دودایف"ـیمین آل قانینا آند ایچم.
"ناظیم حیکمت"ـلریمین دویغولاریندان آخیب ـ سوزولن دوزگون تورکلویو قارشی لایام.
اوچ یوز میلیون دان آرتیق اولان تورک میللتینی گوز گیله لریمده یاشادام.
شعر:عسگر علیائی کلیان(یاشیل)
