شوشا
قوینونا گیرمگه قالمیشدیر بیر آز
کونول فرحله نیب ایله دی پرواز
اولمه ییب گوره یدیم سیرینی هر یاز
سنده واردیر باشقا لیطافت" شوشا"!
داغلاریندان قوپار هاوالی یئللر
آه او سرین یئللر،صفالی یئللر
داغدیب هر شئیی دیوانه ائیلر
ووصالین هر کسه سعادت"شوشا"
خیرداجا ـ خیرداجا یاغیشین یاغار
چن ـ چیسیک ایچیندن گونشین دوغار
بیر آغیـز بیر بولاق سویونو سوغار
ائله ییر سن یئنه قیامت" شوشا"
بیر عجب گلشن دیر تورپاغین داشین
دومانلی داغلاردیر حیات یولداشین
بیر آغری گوردومو عومرون ده باشین؟
ای فیطرن خلق اولموش طبابت" شوشا"
شعر:رحمتلی صمد وورغون
ایضاح:
"شوشا"شهری ایندی لیکده داشناک لارین اللرینده اسیر اولونموش داغلیق قاراباغ بولگه سینده یئرلشن بیر اوزون تاریخه صاحیب اولان رایون دیر.شاید رحمتلی "صمد وورغون "آذربایجانیمیزین خالق شاعیری بو شعیری یازاندا هله ده بیلمه ییردی کی ایللر بویو اوندان سونرا "شوشا" شهری ده ایشغالی چی ائرمنی لرین آیاقلاری آلتیندا تاپدالاناجاقدیر. گون او گون اولسون کی موقددس قاراباغیمیز ایسارتدن بوراخیلسین اینشااللاه.